天后Billie Eilish自爆被意中人突然斷絕聯絡

22歲美國天后Billie Eilish早前現身網絡節目《Miss Me?》接受Lily Allen與Miquita Oliver主持的訪問時，自爆上年12月被一位男士突然斷絕聯絡：「簡直難以置信，直到今日佢都冇再同我傳過短訊。我就喺度諗，你係咪死咗？你係咪真係死咗？我識咗呢個人好多年，嗰日係本來約咗佢，我打電話畀佢同佢講咗我地址，下晝3點見……然後佢就斷絕聯絡。音訊全無。我真係唔相信。」Billie指她其後發現那位男士已經與另一個人拍拖：「我就『噢』咁樣。但我唔知道啲人仲會咁樣做。我真係唔知啲人會咁樣做。」