香港即時娛樂新聞網
安德尊寸爆王俊棠!帶領TVB龍舟隊尾二過終點 怒斥扮大佬兼掛住搵錢連累全家
來源 : 星島
更新 : 2024-06-11 11:56
![](https://image.stheadline.com/f/300r188/0x0/100/none/45abff01ada0824e635dae182cb43105/stheadline/inewsmedia/20240611/_2024061115360391368.jpg)
現年62歲的「大王」安德尊向來語出驚人,當年與世紀「天敵」李錦聯的「無敵鴛鴦剷」成為節目經典畫面,近年又因為在李家鼎教煮飯時,安德尊在旁嘈嘈閉,結果搞到對方發火兼黑面!昨日(10日)又再出擊,今次茅頭直指有「御用惡人」之稱的王俊棠「一人累全家」兼「又扮大佬」!
相關閱讀:端午節丨龍舟女鼓手比堅尼上陣爆紅衝出香港!晒性感照派福利應節 IG追蹤人數暴升
安德尊直斥王俊棠「一人累全家」兼「又扮大佬」:
TVB派隊參加昨日(10日)在沙田城門河舉行的《沙田龍舟競賽 2024》的無綫盃中龍混合邀請賽決賽,去年在龍舟競賽擔任扒手的王俊棠,今年轉為擔任鼓手,去年已經寸爆王俊棠帶隊多年都未贏過的安德尊,今年繼續狙擊,雖然麥美恩多次著他小心說話,以免成為新聞話題,但安德尊依然懶理繼續講:「棠哥今年仍然都有份,佢一人贏全家,一人累身家,佢累晒人哋㗎,佢叫喊令人好炆,佢又扮大佬喎,佢今年係鼓手啦。鼓手應該要係畀香港小姐坐喺度,等我哋睇住香港小姐划啊嘛,佢嗱口嗱面咁,咁你點同佢拍住呀?」而麥美恩就表示也許今年有機會反敗為勝,可惜仍然都是落敗。
王俊棠其後在訪問上坦言因為工作太忙,令自己練水的時間不足,節目隨即播出中龍混合邀請賽決賽,鍾志光旁述時表示「大家都要考慮同事們工作時間未能經常練習,搵啊棠哥做鼓手非常厲害」,鍾志光又為王俊棠好說話,介紹王俊棠是香港航海學校的高材生,雖然TVB隊尾二衝過終點,鍾志光說:「無綫電視隊,喺呢個時候嬴咗7號線,我哋同事盡晒力,盡晒力㗎啦!棠哥領導嘅TVB隊力壓7號,可以完成賽事,棠哥領導之下唔錯,最重要係TVB隊每年都參與,呢班健兒值得鼓掌!」
王俊棠北上發展吸金力強?
不過安德尊似乎「唔收貨」,安德尊勞氣地說:「有乜理由棠哥又黑口黑面,一人累全家啊而家!頭先你個女健兒一路吹BB一邊打嘛,佢而家就自己喺度打自己喺度打,點會有節奏呀?」麥美恩尷尬地說:「係有啲影響嘅」,安德尊續說:「你棠哥練水又練得少,人哋練11堂,你得3堂,剩係掛住四圍去搵食,你咁樣累咗啲同事,日日去練水。」
其他文章:
安德尊親解與「天敵」李錦聯不和傳言 自爆因一事「結怨」:我對佢ok
安德尊太嘈疑似激到李家鼎黑面 直認現場火氣十足:佢都咁大聲啦!
TVB「御用惡人」王俊棠中山豪宅曝光!有大露台景觀開揚 飯廳擺健身器材具空間感
---------------------------------
由即日起至6月20日,只要參加「市民對特區政府滿意度調查」問卷,即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊,請立即下載星島頭條App:https://bit.ly/3Q29Vow
已複製
https://ent.headline4hk.com/article/20240611/stheadline/2004096/
安德尊寸爆王俊棠!帶領TVB龍舟隊尾二過終點 怒斥扮大佬兼掛住搵錢連累全家
安德尊寸爆王俊棠!帶領TVB龍舟隊尾二過終點 怒斥扮大佬兼掛住搵錢連累全家