香港即時娛樂新聞網
原來視咁的│ 福祿壽學員再度扮鬼扮馬 姚子羚晒演技分身扮捉姦
來源 : 星島
更新 : 2024-07-22 15:15
![](https://image.stheadline.com/f/300r188/0x0/100/none/73c9285e5bc8a20354d30c39b83cfe6e/stheadline/inewsmedia/20240722/_2024072214512751393.jpg)
《福祿壽訓練學院畢業Party感謝祭》昨晚在翡翠台播映,節目由陳懿德、郭珮文(Juliana)擔任主持,3大導師阮兆祥、李思捷和王祖藍率領一眾學員,包括陶大衛、關嘉敏、黃建東、林樂熙、周百恩、莫家淦、彭建豪、趙頌宜等,與熱播劇《反黑英雄》主演的陳山聰、姚子羚、朱晨麗、張馳豪、丘梓謙和曾文心大玩遊戲。
《福祿壽訓練學院》一眾學員在節目中繼續扮鬼扮馬化身經典惡人或恐怖角色,當中以黃建東(東東)、麥嘉欣、鄭詠謙和林妍的造型最為搶鏡。戴上長假髮的東東,化身電影《九龍城寨之圍城》中的爆紅角色「王九」,相似度更直達90%!麥嘉欣則紮上孖辮化身電影《孤疑》主角Esther,倒模的造型加上陰森的笑容令人不寒而慄!鄭詠謙落足心機扮演Joker,除戴上綠色假髮兼化小丑妝,連招牌紫色西裝亦跟到十足。林妍戴上粉色假髮兼化超重眼妝扮演劇集《殺手》的易蘭,還以短打上陣大晒魚網絲襪。
首個遊戲「福祿壽 搶着數!搶櫈仔!」有逾20人一同上陣,玩得落力的Gordon葉泓聲更玩到爆胎,十分搞笑。之後的「扭扭檸檸福祿壽」挑戰腰力,要穿上特製彈弓腰帶後並需於限時內瘋狂扭腰,務求盡快得到鎖匙。身材fit爆的朱晨麗(朱朱)原來腰力驚人,對戰伍韻婷時猶如裝上摩打般扭動蛇腰,以絕對實力秒殺,朱朱風騷地說:「我平時好鍾意玩呼拉圈㗎!」
祖藍絕妙答案化解危機
「以訛傳訛福祿壽」考驗眾人的扮嘢實力,姚子羚大晒好演技一人分飾三角完美演繹「捉姦」,一時扮奸夫玩咀嘴,一時又嬲爆爆扮捉姦在床,場面搞笑;視帝山聰同樣玩得落力,不但肉緊地捉住丘梓謙的頭扮咀嘴,更激到差點撞冧道具隔板。最後的遊戲「對答如流福祿壽!!!」於限時10秒內輪流答對問題,答錯要接受噴面大懲罰。當中一條問題「令姚子羚快啲結婚嘅方法」掀起全場高潮,曾文心搶答「拍多啲劇」時,竟遭搞鬼的祖藍搭嗲謂:「好憎呢個答案,拍劇唔係為咗拍拖㗎!」之後眾人起哄指祖藍和老婆李亞男便是例子時,祖藍再笑笑口回應:「我反對,我哋係一齊咗之後,我先安排啲劇同佢一齊拍!」