香港即時娛樂新聞網
VIVA與BLACKPINK師妹團同場 首唱第二首派台新歌跳到索氣
來源 : AM730
更新 : 2024-07-23 22:52
![](https://cdn.am730.com.hk/s3fs-public/styles/banner/public/2024-07/IMG_7621.jpg?itok=VlMhvSCC)
VIVA日前在澳門跳唱派台新歌唱《DTR》。 《第五屆TMEA騰訊音樂娛樂盛典》日前於澳門舉行,演出單立包括SUPER JUNIOR - D&E、NMIXX、NCT WISH等,女團VIVA亦受邀出席,而同日表演單位更有BLACKPINK師妹團超強怪物新人「BABYMONSTER」、韓國天后BoA,絕對是一個國際音樂盛典。VIVA再到澳門參與大型音樂節,心情依然興奮,她們更將今個月尾才推出的第二首歌曲帶上舞台,讓一眾樂迷先睹為快,「第一次唱《DTR》呢首新歌,好緊張,同埋冇諗過現場有咁多觀眾。不過當一企喺台上嘅時候,嗰種緊張嘅感覺突然之間冇咗,轉變成興奮,自己亦都好投入,同埋想大家一齊enjoy首歌嘅感覺。」表演期間,現場氣氛熱烈,不少樂迷都大讚VIVA又睇得又跳得,又問她們的名字,而網上亦有不少網民留言「新歌舞台感十足。」、「啲舞仲跳得好勁!」 VIVA日前在澳門跳唱派台新歌唱《DTR》。 受到樂迷喜愛及支持,VIVA坦言十分開心,會加倍努力回饋樂迷,「因為始終我哋出咗道只係兩個月,都知道大家對我哋仲未係好認識,但見到咁多朋友留言支持,真係好開心。」而第二首歌曲的節奏及舞蹈明顯比出道歌快,VIVA笑言跳到索氣,「跳到尾嘅時候真係喘晒氣,每一次跳呢首歌都係挑戰緊自己體能極限,所以喺韓國嘅時候已經不斷咁去操練,返到嚟香港之後都唔能夠生疏,要積極鍛鍊好自己嘅體能,應付我哋第二首嘅派台作品。」