香港即時娛樂新聞網
森美回應《早霸王》8月5日執笠傳言 網民:好多年有啲悶
來源 : AM730
更新 : 2024-07-26 17:45
![](https://cdn.am730.com.hk/s3fs-public/styles/banner/public/2024-07/nnnnnnnn.jpg?itok=xbySrJqx)
早霸王 由森美、阮小儀、梁嘉琪主持嘅香港商業電台叱咤903電台節目《早霸王》一向廣受觀眾歡迎,不過26日喺網絡瘋傳節目即將「唔做」,森美喺今日開咪時亦有親自回應。今日有網民喺Facebook專頁「全港店舖消息(開張/執笠)關注組」出PO表示「有傳早霸王將於8月5日執笠」,討論區亦有網民以「8月5號開始903係咪無早覇王?」為名出PO,並表示:「聽到有新節目《今朝多珍重》,我聽個promo第二次先夠膽開po問,初初以為自己聽錯。」 網民:世界末日對於呢個突發嘅消息,唔少網民都議論紛紛,有網民感到可惜:「世界末日」、「下 早霸王都可以執?」、「我人生嘅最大娛樂嚟 你唔好亂咁講嘢搞到我抑鬱為(唯)你是問」及「下 認真咩?」等等;同時亦有網民覺得完結係一件好事,留言話「支持森美專心做公子會」、「好多年,有啲悶」、「自從MARCO走左 森美少左講科學野 成日講演唱會感想+女人八婆話題 成日節目毫無營養」等等。森美作為《早霸王》嘅主持,佢今日都有開咪親自回應傳聞表示節目將會繼續做,只係撥出半個鐘俾其他節目,佢就話監製表示到時佢哋好似有半小時唔使做,小儀就吓咗一聲,而梁嘉琪就講笑話仲諗住拎假去旅行。森美:你話畀個高層聽,未驚過之後森美再話:「至於半個鐘頭邊個做?就唔喺度講,因為其他嘢都仲係秘密,我只能將知咁多講咁多啦~因為啲人係咁問我,我又唔想唔講。我而家講嘅嘢全部都係事實嚟嘅,我係今朝先話到俾大家聽,我只能講到咁多,如果唔係我真係俾人炒㗎啦!」小儀亦有就是事件作出補充,佢就話之前有一位高層同佢講話將會有一個Promo出街,拜託小儀講定呢個消息俾森美聽,因為森美朋友聽到就話俾佢聽,怕森美會驚。之後森美就笑住話:「你話畀個高層聽,未驚過」 ,全場隨即爆笑。原文刊登於 Yahoo 娛樂圈 登革熱|症狀、傳播途徑、避免蚊子叮咬、預防方法。(衞生署衞生防護中心FB)