香港即時娛樂新聞網
92歲胡楓驚訝曾孫拍廣告拍上癮 自覺人生無憾︰你仲想點呀?
來源 : AM730
更新 : 2024-07-26 19:00
![](https://cdn.am730.com.hk/s3fs-public/styles/banner/public/2024-07/20240726lawkh_%E4%B8%AD%E7%92%B0_%E5%8F%8B%E9%82%A6%E4%BF%9D%E9%9A%AA_%E8%83%A1%E6%A5%93%E5%B0%88%E8%A8%AA_02.jpg?h=99362da5&itok=ODuESmf-)
胡楓偕同孫仔、曾孫一齊搭摩天輪,他表示是首次如此齊人上魔天輪。(羅錦鴻攝) 92歲的胡楓(修哥)今日(26日)帶同孫兒及4位曾孫一齊到中環出席活動,在活動開始前更跟4位曾孫一齊乘坐摩天輪,他坦言已經很久沒有坐摩天輪,今次是人生首次跟孫兒同曾孫一齊坐,機會難得。他在活動上提起自己保持健康的秘訣是行路,更不忘搞笑表示不會同家人一齊行,「佢有佢行,我有我行,可以話係各行各路!」 修哥帶同孫兒及4位曾孫出席活動。(羅錦鴻攝) 曾孫拍上癮修哥其後接受《am730》訪問,提到今次他與曾孫Herbert為AIA全新品牌平台「再想健康」拍廣告,他大讚Herbert的表現非常好,他說︰「唔使教佢都做得咁勁,估唔到佢拍到咁好!令我好意外,佢好似拍上癮。佢話︰『太公,如果下次再有就預埋我!』我以為佢唔係咁有興趣,但估唔到佢係好有興趣。」他稱只要曾孫有興趣,自己便會多些安排,加上自己也有開網上頻道,會考慮多些和曾孫拍多些不同影片,修哥笑謂最重要曾孫們高興便可。 修哥夥拍曾孫拍攝社交媒體短片。 無諗過停修哥入行71年,在演藝生途上可說是順風順水,如今仍活躍娛樂圈,甚至仍有體魄籌備演唱會,他坦言自己仍很愛工作,但暫時不會拍劇,主力做綜藝節目。他說︰「拍綜藝輕鬆啲,唔使捱夜,仔女啲孫都冇叫我唔好拍。」問到會否考慮跟曾孫一齊上電視,他笑言要看機會,但自己開生日會、演唱會,一班孫仔、曾孫也樂於上鏡。修哥︰你仲想點呀?修哥繼去年獲得第41屆香港電影金像獎Z終身成就獎,今年再獲政府頒發銅紫荊星章。雖然勳銜頒授典禮未舉行,他坦言很開心及榮幸。問到他會如何形容自己的人生,他說︰「只係一句『你仲想點呀?』」修哥表示未諗過退休,暫時接綜藝節目居多,因為比較輕鬆。 修哥想更多人健康啲提到今次他為AIA全新活動平台「再想健康」拍攝社交媒體短片,修哥表示昔日拍廣告都是推銷產品,但今次是以健康為大前題,跟自己一直提倡健康、要運動的想法非常一致,所以與曾孫一齊參與。他表示自己就算在家中看電視,一樣會「郁手郁腳」,他說︰「唔係因為我係舞王修,而係因為健康啲!」據了解,今次保險公司希望借活動平台「再想健康」(Rethink Healthy),鼓勵大眾改變看待健康的固有想法,將健康視作身體、心理、財務和環境健康之間的平衡,一起為自己的「健康長久好生活」踏出第一步。修哥希望透過今次拍攝,以身作則及以個人健康之道,分別在飲食、運動、個人習慣角度感染大眾一同「再想健康」。