香港即時娛樂新聞網
馮允謙宣佈10月再登紅館! 即睇演唱會日期/地點/票價/購票方法
來源 : NOW
更新 : 2024-07-26 20:00
![](https://images-news.now.com/newsimage/NewsImage/2024-07-26-18-24-11SVyYZfDD.jpg)
【Now.com】馮允謙(Jay Fung)宣佈今年10月再登紅館!Jay Fung連續3年舉行個人演唱會,繼去年首踏紅館後,今年再接再勵舉行《the SOUNDTRACK of my LIFE 馮允謙演唱會2024》。他更透露將會動用去年紅館個唱的兩倍樂手,炮製音樂盛宴,到時更會首唱從未曝光的新歌!即睇演唱會詳情! 今次演唱會「the SOUNDTRACK of my LIFE」將於10月9(三)至11日(五)於紅磡香港體育館舉行,門票售價HK$1080、HK$680、HK$400。Jay Fung透露,演唱會名字由他親自創作:「因為回望返係一個milestone(里程碑),人生就好似一套很長嘅電影,電影就一定會有配樂,我有時寫歌會諗到一啲片段觸動到我,勾起啲回憶,我會用呢啲片段去寫成旋律。今次演唱會有好多作品都係我寫,好想同大家分享我嘅音樂世界。」 他又表示每首歌都是他的「Baby」,首首都愛,首首都很好聽,所以設計歌單很傷腦筋。「今次入場一定有好歌,因為我會全力100%唱,大家要做定熱身同我大合唱。(會否除衫騷肌?)我唔知自己會唔會除,但係我一定會努力操fit手臂,跳舞一定會但未定跳幾多。」最後他又預告,第二次的紅館演唱會將更精彩:「我哋嘅Band係double咗個size(雙倍樂手),音樂上有好多嘢玩,非常豐富。今年我會出唱片,有啲新歌將會喺今次紅館演唱會第一次唱,所以我非常期待。」 今次演唱會海報由星級創意大師朱祖兒擔任設計總監,夥拍著名攝影師Sam Wong親自為海報拍攝操刀,展現不同面向的Jay。 the SOUNDTRACK of my LIFE 馮允謙演唱會2024日期:2024年10月9(三)至11日(五)時間:8:15 PM地點:紅磡香港體育館票價:HK$1080 / $680 / $400 恒生信用卡優先購票優先購票日期:2024年7月30日(上午10時)至8月1日(晚上11時59分)優先購票渠道:www.hotdogtix.com 或 HotdogTIX手機應用程式*恒生信用卡客戶必須先登記成為HotdogTIX會員,方可享優先購票。