香港即時娛樂新聞網
何太突去警署報案!疑指控XX「不誠實使用電腦」:我所有損失都係由佢包起
來源 : 星島
更新 : 2024-07-26 21:48
![](https://image.stheadline.com/f/300r188/0x0/100/none/1b36e5dabaf4365e7564b16a0a2f09b3/stheadline/inewsmedia/20240726/_2024072623093572884.jpg)
何太與何伯因上《東張西望》而受到全城關注,近日何太因晾衫滴水收房署書面勸喻,又在公屋大堂大鬧保安,因而再度成為焦點。今日(26日)何太突然透露去警署報警,還在粉絲群組貼出報案紙,不少網民都好奇到底所謂何事。
相關閱讀:何太大鬧公屋大堂後報平安!16字回應房署書面勸喻 直播搵銀又有阻滯?
何太為何去警署報案?
何太近日因在公屋大堂大鬧保安而再度受到關注,今日傍晚6時許何太在粉絲群組突然貼出報案紙,透露自己今日去屯門警署報案:「啱啱去咗報警返嚟。」其後有網民指何太指控部份網民「不誠實使用電腦。其實昨晚何太已在粉絲群貼出土黑粉群組「日更頻道」的對話截圖,見一班黑粉疑似在YouTube等社交網上傳何太的短片,想以YT先到先得獲得「版權」的政策,令何太新YT頻道只要上載舊片便變成侵權,阻止何太開YT營利。
何太:我所有損失都係佢包起
有網民留言表示:「唔理佢就係最好的反擊。」不過何太說:「係喇!佢應該而家啲犯罪證據喺我手上,陷害我嘅犯罪證據喺我手上,大概佢應該唔敢輕舉妄動嘅,係咪啊?佢有咩依郁,我所有一切損失,都係由佢包起。」何太又續言:「嗱!我咁樣算仁慈,係咪?我可以第一時間去警局報警㗎,又警察即時去拉佢,之後再同佢計我嘅損失。」
除後何太又再炮轟不時轉載其直播的YouTube頻道「無糧軍師」:「嗰個YouTube頻道『無良殭屍』,佢嘅罪證已經錄晒屏、保存證據㗎喇。佢有咩依郁即時又去拉人嘅。」何太更還繼續鬧爆:「佢呢啲犯罪組織頭目,搞事份事嘅組織頭目,佢令我損失幾多呢,佢哋就包起㗎喇。」
何太多次直播鬧何伯?
今日何太今日報警後,晚上8時許在其YT頻道貼出短片:「我今日去咗報案㗎喇,去報警。嗰個『日更頻道』主人,聯手去組織好多人嚟搞我,所以今日去報咗警。同埋嗰個『無良殭屍』,呢兩個抹黑我,中傷我,反正唔好嘅嘢都做晒㗎喇,組識啲人點樣去陷害我,所以我今日都去報咗警。」
何太報案紙日期受質疑
不過fb群組「何伯&何伯老婆關注組」的成員似乎未驚過,繼續在社交網舉報何太,更有網民從何太貼出的報案編號發現,疑是在2024年2月18日發出,並非今日去報案,再度質疑何太的可信性:「佢個備案no俾人踢爆咗唔係今日㗎!叫佢唔好講大話啦!」。
網民亦留言表示:「佢應該自己出錢告『日更』,法援一定唔批,河馬真係浪費警力。」、「我哋係唔會向惡勢力低頭,繼續舉,不斷舉,一得閒就舉」、「河馬你又如何誠實用電腦,網上發佈美圖,欺騙網民的大嬸,為了增流量,製造大量謊言」、「唔係出律師信咩?點解去報警,告咩?一陣比警察告返佢轉頭,告佢浪費警力。」、「都冇口供紙,即係警方不受理🤭」。
其他文章:
何太怒罵屋邨保安片瘋傳!何伯疑半夜離家瞓街 被指接獲房署收樓信有回應
何太因劉德華目露凶光鬧老公!稱被何伯「害死」 頸部腫脹引討論似有一病?
何太想離婚改嫁去美國?直播夫妻吵架場面 何伯爆喊:睇住老婆同人上床,我幾難頂呀!
何伯何太有賺錢新招!推出VIP粉絲群仲貴過「離婚界KOL」 大談「呃阿婆錢」睇法
已複製
https://ent.headline4hk.com/article/20240726/stheadline/2013606/
何太突去警署報案!疑指控XX「不誠實使用電腦」:我所有損失都係由佢包起
何太突去警署報案!疑指控XX「不誠實使用電腦」:我所有損失都係由佢包起