香港即時娛樂新聞網
柳應廷喜獲添布頓親筆簽名Poster Jer興奮與《嘩鬼家族Beetlejuice》角色阿卜合照
來源 : 經濟日報
更新 : 2024-09-07 12:16
睽違36年,鬼才導演添布頓(Tim Burton)把經典IP「嘩鬼家族」推出延續篇,執導《嘩鬼家族Beetlejuice》(Beetlejuice Beetlejuice),除上集的米高基頓(Michael Keaton)回歸標誌性角色,還有雲露娜維達(Winona Ryder)強勢歸來。近日,不少市民在香港四處包括機場、星光大道、太空館、中環碼頭等野生捕獲到陰間使者「阿卜」的踪影,似是在尋找一些東西,據了解後得悉原來「阿卜」是被總部委以重任,作為特派使者來港尋找MIRROR成員柳應廷(Jer),皆因阿Jer是添布頓超級粉絲。「阿卜」最終在努力下成功找到阿Jer,「一人一鬼」一見如故,談笑風聲,載歌載舞,然後「阿卜」將有Tim Burton親筆簽名的《嘩鬼家族Beetlejuice》海報送給阿Jer。異形:羅穆盧斯丨葉底藏花回應《異形》系列 細數10個重要致敬位 ▲ 阿Jer喜獲Tim Burton親筆簽名《嘩鬼家族Beetlejuice》海報。與《嘩鬼家族》有緣份他在見到「阿卜」後十分驚喜,說:「真係好Surprise,可以見到電影角色走入真實世界,真係意想不到,而且仲送咗張有Tim Burton親筆簽名嘅美版海報俾我,真係好開心,對我嚟講真係意義重大。我由好耐以前已經鍾意Tim Burton,《朱古力獎門人》《怪誕城之夜》《愛麗絲夢遊仙境》開始,佢拍嘅作品都好經典,好佩服佢嘅可以創作到一個屬於佢自己嘅風格。」之後,阿Jer更透露自己與《嘩鬼家族》的緣份,說:「今年年頭創作兩首新歌嘅時候咁啱翻睇咗一次套戲,所以我希望可以藉住首歌向Tim Burton致敬,亦都藉此提醒自己在音樂上都要堅持自已嘅風格。而咁啱嚟梗又有《嘩鬼家族Beetlejuice》上映,真係好期待同想快啲入戲院睇!」最新影片推介:戴祖儀專訪
已複製
https://ent.headline4hk.com/article/20240907/hket/3823888/
柳應廷喜獲添布頓親筆簽名Poster Jer興奮與《嘩鬼家族Beetlejuice》角色阿卜合照
柳應廷喜獲添布頓親筆簽名Poster Jer興奮與《嘩鬼家族Beetlejuice》角色阿卜合照