鄭欣宜潛水7個月傳秘密生B 經理人開腔回應

歌手鄭欣宜（Joyce）去年3月紅館個唱後，疑因抑鬱症復發絕迹幕前，甚至連社交網都冇再更新，認真令人擔憂。而繼今年2月佢被捕獲含淚祭拜亡母後，日前有網友喺社交網晒出自己巧遇Joyce嘅合照，只見Joyce依然一頭金髮示人，打扮亦相當鮮艷有個性之餘，身材亦變得苗條許多，同時就算素顏都依然咁飽滿嘅氣色，亦引嚟唔少粉絲開心道：「好耐冇見欣宜！」、「安好就好，大家好掛住好掛住你！」