E奶短今爆前男友特殊癖好 着迷你裙唔畀打底

台灣啦啦隊「Passion Sisters」人氣成員短今（胡馨儀），憑E Cup導彈胸及渾圓美臀圈粉無數嘅佢，更不時透過社交網分享生活點滴，而日前受邀上節目嘅佢亦分享道前男友係控制狂，除咗會到現場「監管」外，甚至仲控制佢嘅穿着打扮，令佢忍唔住呻道：「真的很變態！」 日前，短今喺節目上分享道：「我覺得男生有時候很不正常，他控制我穿衣服，一定要穿很貼身，而且一定要是短裙，很迷你那種喔，而且不能穿安全褲！」並表示當時因為自己係戀愛腦，所以對男友亦相當配合：「可是穿短裙出門又不穿安全褲，你知道那壓力有多大嗎？」直言為咗配合男要需求，令自己時刻處於高壓狀態，不斷前遮後遮之餘，出門搭車都剩係敢坐3分之1嘅屁股位：「為甚麼男生這麼不正常！」