台慶︱周嘉洛坐鹹濕按摩椅 獲林秀怡「G奶」洗面

無綫《萬千星輝賀台慶》昨晚（19日）假將軍澳電視廣播城舉行，當中有唔少藝人表演令人拍案叫絕，就好似憑《愛．回家之開心速遞》入屋嘅周嘉洛，佢就將《愛．回家》帶埋入台慶，更同林秀怡大玩「洗面奶」，大膽程度令人叫出嚟。 二人大玩「鹹濕」處境劇，因為林秀怡扮一部人形按摩椅，仲專登「升cup」變G奶誇張身材見人，佢就趁周嘉洛坐喺按摩椅時，幫佢用「洗面奶」按摩，又豪言要幫佢洗完上面洗下面，嚟個「雀底按摩」，嚇到周嘉洛話只係腳底按摩，仲大叫對方做「妖孽」，齊齊為台慶犧牲「色相」。