楊千嬅笑稱經常被12歲Torres「使走」 與囝囝相處之道是多溝通 強調父母要做個好聆聽者

楊千嬅今日（20日) 現身樂富出席「生命中首7,000日」展覽暨世界兒童日慶祝典禮，活動上她表示12歲兒子Torres現在有自己的生活圈，更經常會「使走」她。早前忙於巡迴演唱會的她，被問到與Torres的相處之道，她表示：「時間分配上係有少少影響，但佢放假時會盡量陪佢，同佢分享關於我工作狀況，了解點解媽咪成日唔喺香港，或者唔陪住佢，亦俾佢了解到每個人喺成長過程都有自己嘅崗位。」 千嬅續指作為父母要當一個好的聆聽者，她說：「做父母永遠都會有一種愛護，有時唔小心多咗啲主觀性，但如果可以多一份朋輩心，當佢係朋友咁樣傾，有時會聽到一啲呢個世界我哋睇唔到嘅嘢。」她更強調要以溝通引導小朋友去正確路軌，並表示正規教學理念好重要。