梁凱晴Deep V賀台慶見林峯Warn晒 幻想做「釘姐」

藝人梁凱晴（Carina）在無綫台慶夜悉心打扮，以低胸晚裝亮相，雖然吸睛，但遇上寒風，實情卻有點冷，幸有兒時偶像林峯勁歌熱舞溫暖番晒，她說：「都真係有啲凍，不過，有林峯勁歌熱舞，大家藝員同事去晒現場睇，又齊齊跳舞，即刻熱晒。雖然同唔到林峯合照，又只能羨慕Mayanne有得攬攬，但係咁近距離見到林峯都開心。」梁凱晴笑言是睇林峯的劇集長大，最深刻是他演出的《溏心風暴之家好月圓》，亦有幻想過做「釘姐」，她笑說：「真係好想同佢合作，睇《使徒行者》嗰陣都有幻想過，如果我做『釘姐』佘詩曼嘅角色就好喇，哈哈。」