足本訪問：何超蓮處女電影今舉行全球首映 親回屢傳婚變 老公竇驍快閃到場避忌拒合照 爆細佬何猷啟演路人甲慘被cut

【Viu】由賭王三房「最美千金」何超蓮、曾志偉、此沙、劉亦淳主演嘅電影《多想和你再見一面》，今日喺澳門崗頂劇院舉行全球首映禮！超蓮同老公竇驍曾多次傳出婚變，呢日問到超蓮回應嗰陣，佢就婉拒笑答：「今日淨係講電影，多謝大家！」跟手再追問超蓮被目擊陪老公赴台就醫一事，超蓮繼續以同樣答案回應！其實竇驍今日都有現身首映禮，但一到場就9秒9衝入會場，所有合照都冇影到，睇嚟有所避忌咁喎！ 今日何家總動員齊現身力撐超蓮處女電影作，包括媽咪陳婉珍、家姐何超雲、細佬何猷啟，四房代表有梁安琪、何猷君，而二房就有何超瓊、何超鳳！超蓮都話好感動，亦對即將喺大銀幕見到自己感到好緊張：「好大個頭好恐怖！」又指噚晚瞓唔着，對票房好有壓力！ 超蓮喺戲中同此沙飾演情侶，對有冇親熱戲就大賣關子，笑指唔驚老公會呷醋！「爸爸」志偉大爆超蓮成日帶魚翅、鮑魚到片場，千金果然出手夠晒闊綽！志偉又讚超蓮呢次表現合格有餘、好有天份！另外，超蓮爆響口話其實細佬都有份客串做路人甲，但最後被導演cut走咗！點解嘅？咁超蓮有冇照畀片酬細佬㗎？小編喺澳門為你哋直擊報道，即刻去睇足本訪問啦！ 瀏覽 Viu網頁觀看影片 瀏覽 Viu網頁