有機做「親家」 馬田羅倫斯自爆愛迪梅菲堅決婚禮唔找數

美國兩大男星愛迪梅菲（Eddie Murphy）與馬田羅倫斯（Martin Lawrence）好大機會由好友變成「親家」，事關愛迪的兒子Eric與馬田的女兒Jasmin拍拖3年後上星期宣布訂婚，而即將榮升外父的馬田日前受訪時就自爆他與愛迪為婚禮邊個找數而傾過。 馬田的身家估計有1.1億美元（約8.5億港元），而愛迪的身家則估計高達2億美元（約15.5億港元），身家不及「親家」的馬田爆料指愛迪唔想「找數」，他說：「愛迪同我講話唔會為個婚禮找數，因為佢話佢過去6個女兒個婚禮都係佢畀錢搞。佢話今次輪到我，我絕對唔介意找數...呢個係祝福嚟，佢哋係兩個美麗嘅年輕人。」他表示兩人尚未確定婚禮日期。 愛迪與馬田的子女與父親一樣都是圈中人，Eric是作家兼配音員，而馬田女兒Jasmin則是演員，曾客串父親主演的《重案夢幻再重組》（Bad Boys for Life）。