戴祖儀跌落坑渠變豬蹄 打破傷風針：心理創傷比較大

戴祖儀昨日（23日）拍片自爆烏龍事，原本打扮靚靚，着短裙騷長腿，點知落車時因看不到路邊的坑渠蓋未有蓋好，整隻腳踩入坑渠，祖儀發文：「封腿宣言？估唔到去到龍年尾都要用pk嚟收結，祖儀人生真係充滿綜藝感呀！一人一句，祝福我的腿腿早日康復見得番光 。」 真的聽見都感到「肉痛」，但祖儀還花心思拍片並剪輯成短片敍述整個故事，網民看到她美腿留下的恐怖傷口，都擔心會留疤，紛紛祝她早日康復。時隔無耐戴祖儀亦透過社交網透露自己去了醫院打破傷風，並分享事後洗傷口的照片，直言心理創傷大過身體創傷！ 今早戴祖儀就特地到醫院為腿傷打破傷風針，並於限時動態上晒出扁嘴的可憐樣，亦有網民留言問到她「你隻腳點？」，祖儀回答：「估唔到連跌落坑渠都會發生喺我身上，心理創傷比較大，好多人關心我嘅腿腿，矛嘅，腫腫紅紅咁。」網民都希望她可以早日康復。