黃嘉雯開箱新年衫 Hot爆Tube dress性感拜年

前港姐冠軍黃嘉雯向來樣靚、身材正，Model身材自然着咩都好睇，佢亦大方同大家分享佢今個農曆新年嘅mix and match，一收貨就同大家拍片開箱新年衫。唔好以為嚟緊天氣轉涼，佢就收起性感，佢今次示範年初一到初四拜年Look，佢先喺初一、二以裙仔上陣，打扮時尚又得體。 點知鏡頭一轉，佢衫三就換上索爆綠色Tube dress，即使係長裙，但都露出白滑美肩，好在最後佢都加番件外套。而初四佢就以紅色大露背連身裙上陣，再襯埋高踭鞋仔，玉背、美腿通通有齊，確係美得動人。