梁凱晴成《奪命提示》顏值擔當 大讚張振朗專業

無綫劇《奪命提示》裏面個個女藝人都顏值高身材好，除了劉穎鏇、劉佩玥和郭柏妍外，還有2021年香港小姐亞軍梁凱晴（Carina）也是顏值擔當，剛播出一幕她扮作與張振朗拍拖令劉穎鏇呷醋，非常入戲，不似首次拍劇，她表示：「我同振朗有少少親密戲，拍之前都有啲擔心，但振朗好專業，令拍攝氛圍好放鬆，所以拍得好順。（監製搵你拍因為你有長腿？）長腿一定鬥唔過劉穎鏇，希望我顏值高搭夠啦！哈哈！」Carina口才了得，以往獲分派以英語及普通話主持《兩文三語通天下》節目，今次跳出主持舒適圈去拍劇，感覺好玩，「自己睇番片段都好興奮，不過又好緊張，擔心表現唔夠好，希望有機會再挑戰，尤其見到其他女仔打得咁好睇，都好想試吓打戲，我諗自己有跳舞底，手腳應該都協調嘅。」