龔嘉欣做視后工作增 揀男友以結婚為目標

龔嘉欣稱，獲選視后令工作量大增。 龔嘉欣今日現身大埔超級城《春日恐龍城堡》活動，獲男fans即席送花，令她心情大好。談到她早前與冼靖峰、丁子朗、孔德賢、馬國明、蕭正楠及陳山聰等，即將赴馬來西亞雲頂表演，她說：「係呀，應該會表演3首歌，難道雖然唔算高，不過都要練習。」 龔嘉欣稱，視后殊榮的確為她增加工作機會，「最近已經拍咗兩個廣告，仲有兩個廣告準備開拍，依家又有登台機會，工作多咗好多。」至於視后一獎有否為她增加桃花運，她稱：「我都想，暫時冇，不過努力中，大家唔使擔心，都有約下朋友食飯，有外國返嚟嘅男仔，眼緣都合適㗎。」談到擇偶條件，她指隨著年紀漸長，希望交往對象以結婚為目標，因此會以認識新朋友心態慢慢彼此了解。   視陳凱琳為學習對象陳凱琳(Grace)最近在YouTube推出全新烹飪節目，問她會否上好友節目做嘉賓，她說：「Grace想搵啲有驚喜嘅人合作，唔想俾人覺得好順理成章，不過我都成日同佢合作拍美妝扮靚節目。」至於會否效法好友轉做YouTuber，龔嘉欣說：「都想㗎，不過能力未及，所以會以Grace為目標，佢係一個勤奮而且有創意嘅人，值得學習。」 【立即參加】送香港迪士尼樂園一日門票！