鄧小巧演唱會舉行在即 預告上演側手翻獻技

歌手鄧小巧事隔6年，將於星期六和日在旺角麥花臣舉行個人音樂會《I'm here Live 2025》，日前更推出治愈作品《其實痛是你的想像》，歌曲一如以往，歌詞由小巧親自主理，以「人」的角度詮釋「痛」，她說：「我覺得人活得越耐，越過得平平安安、冇咩特別嘢發生、人生冇乜起伏，就係一個好值得感恩嘅事情。」 小巧為音樂會已密鑼緊鼓籌備，但心情平靜，自言應該到開騷才懂得緊張，講到籌備她笑說：「努力打觔斗、努力瞓覺、努力去令自己嘅狀態最好。」至於體能方面，小巧指未有跟身為健身教練的老公白先生做gym：「我成日同白先生去行山，做啲Cardio，有時佢喺屋企會train我，督促我每日做10分鐘嘅plank。」6年沒有開騷，小巧可有驚喜給歌迷，她即「自爆」：「我都唔知大家覺得嘅驚喜係乜嘢，側手翻？講咗仲算唔算係驚喜？哈哈。」