DSE2025｜黃淑蔓孖陳健安開live唱歌 為DSE考生打氣 大唱Chiikawa洗腦神曲

【Now.com】中學文憑試（DSE）主科在昨日（2日）開考，今年有近4.9萬名考生報考。為了陪一眾考生迎戰，歌手黃淑蔓（Feanna）與陳健安（安仔）開考前夕在YouTube開Live唱歌，為同學們打打氣。身為人氣角色Chiikawa粉絲的二人，更在節目中大唱Chiikawa洗腦歌曲《睡衣派對》，希望用這首歌陪伴考生們克服困難！ 相關報道：DSE2025｜上屆狀元殘疾運動員拍片為考生打氣　分享備戰及紓緩壓力心得 黃淑蔓與陳健安周一（31日）登上寰亞音樂YouTube Channel「DSE一定要得！」節目。2019年考DSE的Feanna，當時為考生推出打氣歌曲《一定要得》，亦是今次節目的主題，所以由Feanna唱此歌為節目揭開序幕。Feanna自爆當年考試難忘事：「我考聆聽嗰日喺試場戴上耳機，聽到電台喺考試前播緊我唱嘅《一定要得》，我嚇到呆咗。」安仔問：「你身邊啲考生有冇望住你？」Feanna說：「唔知呀，我耷低頭唔敢望其他人。本來考試已經好緊張，聽到自己嘅歌就更加大壓力！」又稱：「因為當年我要應付考試，所以呢首歌係我唯一一首無參與拍攝嘅MV。」而安仔最難忘考試暫住家姐屋企閉關讀書，還有媽媽的愛心靚湯打氣，感到很溫暖。 二人均是日本人氣角色Chiikawa的粉絲，特意在節目中選唱Chiikawa動畫中的洗腦神曲《睡衣派對》，其中一段更以粵語歌詞獻唱。安仔指：「Chiikawa就係講朋友之間嘅陪伴，希望用呢首歌去陪伴大家。我哋喺網上搵到有人填咗粵語歌詞，有幾句同考試有關，所以就唱埋。」他更帶來樂器Kazoo表演一小段助慶。期間又唱中學生洗腦歌《SAS》（sin angle sin）還做埋動作，好搞笑。 除了唱歌，他們更即場回應留言，點唱都有求必應。安仔將自己的歌《煉獄健身室》部份歌詞改成「自修室」和「操卷」配合主題，還讚自己有急才，Feanna在旁大笑。 整個4月逢星期一晚上9時至10時，Feanna將邀請歌手朋友一齊開Live為考生唱歌打氣。安仔就會逢星期六晚上10時至11時在instagram開Live，化身DJ為同學們播歌傾偈，安仔說：「我會為大家揀歌，唔一定係考生，都歡迎佢哋身邊嘅家人朋友，喺我度留言點唱。」