Selena Gomez訂婚被舊愛Justin Bieber貼《魔戒》圖嘲諷

美國女歌手Selena Gomez上年12月宣布與拍拖一年的美國唱片監製Benny Blanco訂婚，早前又合作推出新碟《I Said I Love You First》，歌詞被指暗寸Selenz的加拿大天王舊愛Justin Bieber，Justin周三（2日）於社交網站即時動態分享一張網絡迷因圖，是電影《魔戒》系列角色「咕嚕」看住魔法戒指露出痴迷的樣子，圖解寫住「社交網站上女生訂婚時的樣子」。網友認為Justin此舉是向Selena還擊，批評他行為幼稚，沒有考慮到與美國女模妻子Hailey上年8月才剛做父母的現實，有人留言表示：「好鬼唔成熟，天呀，佢係一個BB嘅老竇，佢哋都分咗手差唔多10年，幾時先可以放下。」 Justin近來盛傳與Hailey婚變，身心健康都亮起警號。網友留言表示：「真係好令人尷尬，大家唔好唔記得，佢係Selena宣布訂婚後開始失控。」又有人留言表示：「Justin因為Selena訂婚而發癲？真係報應不爽。」