森美睇中劉沛蘅做新抱 嚇到對方急拒絕：你個仔仲讀緊書

藝人森美（Sammy）與劉沛蘅（Hillary）以品牌大使身份在尖沙咀出席活動，並於早前一齊拍廣告，但原來兩人10年已經在廣告中合作過。Hillary指當年做模特兒，還未入行，故見到森美前輩也感緊張，但之後就沒有機會合作，直到今次拍廣告。 森美對當年的Hillary有印象，大讚她小妹妹的時候，已經好靚女，但笑言現在睇靚女心態不同，現在是物色新抱，他笑說：「做咗爸爸心態唔同，呢個妹子幾好喎，可以介紹畀我個仔，呢個good呀，聰明伶俐，大方得體，唔係淨係話靚、可愛。」Hillary則笑言：「我大好多喎，你個仔仲讀緊書。」森美笑說：「就嚟讀完啦，差唔多啫。不過，都係，我仲停留喺10年前，你當年啱啱讀完書，小妹妹嘅時候。」 Hillary將要為《膠戰》騷演出，有舞台劇經驗的她指暫時還未開始緊張，因為綵排準備充足，所以也有信心，相信上台前才會緊張。講到可擔心一班拍檔會爆肚演出難以應對，她笑說：「諗住到時唔出聲，我就比較小爆肚，佢哋就唔知，因為佢哋轉數快。」森美大讚這個應對方法聰明。