緬甸地震｜吳大強消防員大仔協助救援 一門四傑各有所長

吳大強大仔赴緬甸地震災區協助搜救 現年73歲嘅吳大強（Bill）喺2022年參加TVB歌唱節目《中年好聲音》而為人認識，吳大強夫婦育有四名兒子，除咗三仔係《愛‧回家之開心速遞》「朱凌凌」吳偉豪之外，大仔任職消防員（職位為署理助理消防區長），二仔係飛機師，而細仔因顏值高曾擔任兼職模特兒，現處於進修階段，可謂「一門四傑」。緬甸上周五（28 日）發生7.7 級強烈地震，香港特區政府翌日即派遣救援隊前往當地協助搜救，而吳大強大仔吳偉諾亦隨行參與搜救工作。 對災區嘅破瓦頹垣感到憂心香港消防處社交網站亦有上載搜救情況嘅影片及影片，令市民可以了解更多，好似喺噚日（2 日）就上載一條由吳偉諾直擊行動基地醫療帳篷嘅影片。 吳大強喺接受TVB訪問時，表示對大仔前往災區履行使命救急扶危係非常支持，同時亦感到非常光榮，不過對災區嘅破瓦頹垣感到憂心。希望救援隊繼續努力進行搜救，早日完成任務，安全返香港。原文刊登於 Yahoo 娛樂圈 【立即參加】送香港迪士尼樂園一日門票！