吳奇隆突然發預告文再秒刪 內容耐人尋味引爭議

台灣藝人吳奇隆同內地花星劉詩詩結婚10年，育有仔仔「步步」，夫妻倆近年常傳婚變，但都未正面表態。先前4月1日愚人節，有網友聲稱Cap到吳奇隆凌晨突然發嘅「預告文」，留言：「今年要這樣」照片中係佢開演唱會嘅舊相，旁邊仲打上：「謝謝你陪我演唱會」但隨即刪文，舉動相當耐人尋味。 該網友就發文笑指吳奇隆唔好為快速刪文就冇人看到，自己早已截圖，引嚟其他網友回：「甚麼情形？」、「傳下去，吳奇隆2025年要開演唱會！」、「不管我當真了」。不過亦有眼利網友發現，截圖上嘅日期同社交網原版日期格式唔同，連發文字體都唔同，揭原來只係粉絲自己整嘅愚人節整蠱圖，更笑言如果吳奇隆自己睇番都會後背一涼，以為被盜號。