陳星妤忽然富貴 頻頻歐遊生活奢華

選美入行嘅藝人陳星妤，樣靚身材正嘅佢更憑《一舞傾城》中飾演最後一個處女「KK」成功入屋，打開知名度嘅佢亦有份拍攝《法證先鋒VI：倖存者的救贖》及《廉政行動2024》，上位速度甚快嘅佢，更係自去年10月拍畢新劇《金式武林》後，頻頻周遊列國，日前更晒出自己喺巴黎歎美食嘅靚相道：「巴黎打卡餐廳，氣氛超絕，這次滑雪之旅的尾站到了巴黎。」而事實上，公屋出身嘅佢，近年劇接劇拍不停之餘，生活日常更變得富貴逼人，不時周遊列國、出入高級酒店，認真生財有道。