李元玲不忍被屈「整容」 正式宣布提告

馬來西亞「鋼琴女神」李元玲，熱愛健身嘅佢，身材前凸後翹零贅肉，更不時透過社交網賣大包益粉絲，圈粉無數。雖然李元玲不時分享性感身材嘅同時，亦會晒出自己飲食及運動嘅片段，但似乎樹大招風，長期仍被唔少網友質身材靠整容，甚至嘲笑佢生得醜、皮膚唔白等。對此，向來敢作敢言嘅李元玲，日前亦透過社交網表示自己唔會再忍受任何惡意攻擊：「從現在開始，我不會再沉默。任何公開羞辱與造謠的人，我都會依法處理，不只保留你留言和帳號的證據，也會追蹤IP位址進行提告。就算你刪了帳號，法律依然會找到你。」 李元玲強調，自己唔係報復，而係維護名譽和原則，同時為所有曾經被霸凌嘅女性爭一口氣，引嚟唔少粉絲支持嘅同時，亦唔理解點解會外貌出眾，生活又自律嘅李元玲，會遭受如此對待。