袁澧林出院即「報復式」躝街 歎常餐狂睇戲

演員袁澧林（Angela）日前發高燒入院缺席《第四十九屆香港國際電影節》（HKIFF49）開幕禮。已經康復出院的立即「報復式」躝街，隨了到茶記食個港人最愛常餐，還與友人到戲院狂睇戲，一睇就3套。 身為今年香港國際電影節大使的Angela對電影充滿熱誠，病愈後立即入戲院睇戲，但要一口氣連睇3套戲就要講求快、狠、準，Angela在社交網說：「直情好似city hunt咁，要知道邊條路線最快、狠、準，例如由尖沙咀H出口上就大錯特錯了，R出口的電梯才是直達7樓。半小時就要轉場去中環大會堂？中環G出口、30分鐘急步做到畀你，如空檔有兩小時會食得舒服，只得1小時就要靠魚蛋、燒賣自求多福了。」Angela認為睇戲極限是1日3套，切勿越界：「1天裏心無旁騖地睇3套，會令你愛上電影，睇4套就會討厭了，the line is there, 切勿越界。」