足本訪問：193@ERROR望買斷約做娛樂大亨成立「三天下」目標簽MIRROR拍《16怪盜》後雪藏 打傳媒盃傷腰未痊癒：執唔到番梘！聞七師傅與郭奕芯罵戰 稱純食花生拒表立場

【Viu】193@ERROR今日單拖出席活動，講到佢同Day@COLLAR、Marco@P1X3L、Elsie嘅商台限定廣播劇《偶然2+2》噚晚（12日）首播，33話聽到自己把聲都尷尷哋：「呢個人咁造作嘅！」又預告同Day係一對歡喜冤家，仲特別mention冇「舐晒脷」嘅劇情！但33話演廣播劇係難過拍劇，下次會唔會想同ERROR 3位兄弟一齊演？ 講到姜濤喺小組綜藝自爆淨返3年約，193笑言長期都好關注自己份約，揚言諗住買斷自己份約，向做娛樂大亨呢個目標進發，更話兩年後會成立「三天下」，將MIRROR收歸，甚至諗埋簽完之後嘅「大計」添！幾時都話33堅係有生意頭腦！ 至於提起兩位好友七師傅、郭奕芯近日反面兼隔空罵戰，33笑話日日都有追片嚟睇，覺得好juicy，但佢就話純粹食花生，唔會幫其中一邊！另外，33又指上次打完傳媒盃傷及腰後，到依家都未好返，咁仲係咪好腰好腎好男人？想知33點答就睇足本訪問啦！小心笑到肚痛！ 瀏覽 Viu網頁觀看影片 瀏覽 Viu網頁