黎耀祥龔嘉欣狂爆丁子朗秘密 收工經常打電話報到

黎耀祥、龔嘉欣及丁子朗一齊拍攝《香港探秘地圖》。(娛樂組攝) 黎耀祥、龔嘉欣及丁子朗出席《2025 TVB 年中節目巡禮》，三人有份參演《香港探秘地圖》，黎耀祥笑言劇集可以叫《香港拜山地圖》，因為他們走訪香港多個鬼怪、充滿傳說的地方，「我哋基本上都走勻晒香港啲得怪、傳說地方、墓地，香港嘅鬼屋基乎都去晒！真係『拜山地圖』。」龔嘉欣與丁子朗表示今次拍攝都去了不少自己不知道的地方。 黎耀祥表示劇集會大談一些鬼鬼怪怪的東西，但不是導人迷信。(娛樂組攝) 丁子朗有秘密黎耀祥更搞笑表示為了吸引更多人來香港旅行，所以無綫可以開一個「香港探秘團」，龔嘉欣聞言即謂首站要去黎耀祥屋企，他說︰「我屋企冇咩秘密，丁子朗屋企先多秘密！」龔嘉欣大笑表示︰「係呀！係呀！佢有個習慣，每次收工都好趕時間講電話，去到停車場就見到佢連咗藍牙傾偈！佢一上車就講電話！」 丁子朗打算解釋時，龔嘉欣笑謂︰「你唔好再解釋啦！」續問他打給誰人，丁子朗稱是致電給在外國的父母，但龔嘉欣說︰「唔係你爸爸媽媽把聲！」黎耀祥續追問為何會知道不是打給父母，嘉欣指因為幾次都聽到電話入面對象的聲音，此時丁子朗無力招架，只能以笑遮醜，黎耀祥及龔嘉欣續笑謂此劇著重揭秘。 立即更新/下載AM730手機APP 體驗升級功能