現場實況：鄭秀文獲歌迷掟紅Bra上台 自嘲：「大得滯！你係咪潤我？」洪嘉豪被點唱《黑玻璃》：驚訝Sammi識我？

【Viu1】Sammi鄭秀文噚晚嘅第4場澳門演唱會就請咗洪嘉豪做嘉賓，嘉豪坦言受寵若驚：「當我收到Sammi嘅邀請，最驚訝係佢識我？有聽我嘅歌？仲要指定唱《黑玻璃》？我哋呢輩歌手有時都會迷惘，收到Sammi邀請，覺得係一個肯定同榮幸。」Sammi跟手話：「絕對係一個肯定，洪嘉豪係一位相當有實力嘅歌手，你首歌舊年咁高點擊率、咁多人鍾意，一定有佢嘅道理，你唱都相當出色。」 呢晚同樣有老公許志安合唱《世紀末煙花》，不過最大驚喜係演唱會尾聲，Sammi 唱《我們都是這樣長大的》時，有歌迷從觀眾席掟咗個紅色Bra上台，然後歌詞咁啱唱到：「人大了，難得放肆地笑……」Sammi更將紅Bra放喺胸前兼自嘲：「呢個杯好大，大得滯，你係咪想潤我呀？」然後又放喺對眼度，笑稱：「可以當眼罩用！」全場爆笑。仲唔快啲入嚟睇實況片一齊笑！ 瀏覽 Viu網頁觀看影片 
 瀏覽 Viu網頁