中年好聲音3｜黃博簽約無綫望進修演技學做戲 最想演《愛．回家》入熊家

黃博今日出席《中年好聲音 3 紅白大戰》錄影探班「魔王對決」項目。（娛樂組攝） 黃博今日出席《中年好聲音3紅白大戰》錄影探班「魔王對決」項目，她接受訪問表示，已經簽約無綫：「之後會同公司見面詳細咁傾發展去向。我對拍戲有興趣，我都睇咗好多TVB嘅劇，好多套我都好鍾意。」她分享早前出席TVB節目巡禮，遇到許多喜歡的演員，並表示：「有黎耀祥，係我好鍾意嘅男演員，我之前有買過佢一本書。陳展鵬同埋陳豪我都好鍾意。我好佩服高海寧不斷打磨自己演技，我覺得佢愈嚟愈出色。」 談到是否希望能夠《愛．回家》，她表示：「如果有呢個機會當然勁開心。我睇開《愛．回家》當係送飯咁樣睇，我見到譚輝智同埋姚焯菲都有加入，裡面每一個角色我都覺得真係陪住大家。」她強調最希望能夠參演《愛．回家》，並且加入熊家。 問到簽約無綫工作的時數，她說：「我覺得公司安排得好合理，差唔多時間大家就會休息吓。」講到是否少了許多時間陪伴老公，她說：「佢好開心有好多人支持我。」被問到成為公眾人物出街時會否感到壓力大，她表示：「我feel到好多同我打招呼嘅人係好熱情，叫我一定要加油，好感激大家。」 立即更新/下載AM730手機APP 體驗升級功能