Twins成軍24周年 阿Sa阿嬌充滿感恩之心

今日（18日）是女團Twins成軍24周年的大日子，兩位成員蔡卓妍（阿Sa）與鍾欣潼（阿嬌）齊齊在社交網發文祝賀，阿嬌於00:01分發文謂：「24周年快樂」，阿Sa則在13:14寫道：「24th周年快樂」，言簡意賅，兩人選擇的發貼時間更是別獨心思，分別代表唯一與一生一世，網民大讚兩人式儀感十足又浪漫。 談到周年紀念的感受，兩人回覆東網，阿Sa感謝大家這24年來給她們的所有愛：「眨吓眼就24年，多謝大家一齊實現呢個夢想，多謝老闆當初簽我哋返嚟，多謝自己、多謝阿嬌、多謝所有愛我哋嘅同事、朋友同埋幫助過我哋嘅人。」至於阿嬌同樣充滿感恩之心：「多謝Fans咁有心，咁多年一起度過，一路支持我哋兩個，我都感受得到。都多謝Sa咁多年嘅陪伴，好多嘢在心中已經不言而喻。多謝公司、多謝老闆仲有一班好同事，好多感恩在心中。」雖然官方沒有舉辦任何慶祝活動，不過，粉絲們非常有心，在各地的商場買下大型的應援廣告，又組織Twins作品專場音樂會。