有片｜土瓜灣簷篷驚現蛇蹤 淡定印傭15秒徒手活捉 網民狂讚：勁過99.9%香港人

高手在民間！今日（18日）網上瘋傳一段影片，片中見到一條長約50厘米的蛇在土瓜灣益豐大廈一間涼茶店的簷篷上爬來爬去，其間一名疑似是印傭的女子見到，竟徒手將蛇拉落地面，然後再用腳踩住蛇頭。印傭走近觀看，用鞋尖觸碰試探，之後再徒手捉住蛇頭及蛇尾，拿在手上玩弄，其朋友向附近的涼茶店借來一個紅色膠袋，疑似想將蛇裝走。整個過程僅15秒，印傭的動作俐落迅速，沒有絲毫恐慌，神態自若。多名網民認為該印傭非常厲害，勁過99.9%香港人，「呢個姐姐嘅手勢咁乾淨俐落，應該有返二三十年功力 」、「條蛇睇落就無乜傷害，但係印尼姐姐睇落好高傷害 」、「印尼姐姐可能係鄉下由細捉到大，熱帶地方蛇好常見」、「感覺姐姐想帶走做寵物」、「輕描淡寫，姐姐好勁」、「香港地上最強姐姐」、「條蛇部署逃獄但無諗過今日喺星期日」。不過，有網民指印傭徒手所捉的蛇為緬甸蟒，但亦有人懷疑是不是附近蛇羹舖所走失，「緬甸蟒喎，咁細條應該有人養嘅，但養大咗好巨型」、「涼茶舖隔離就係蛇羹鋪，兩個老闆完全係食花生mode」。