陳嘉倩婚訊後首現身 打拳穿高踭鞋破懷孕傳聞

陳嘉倩五官標緻，難怪迷倒不少男士，可惜女神已封盤。 前新聞主播陳嘉倩活躍社交網，經常分享靚相，成為男士們的夢想女神。隨著最近她宣布與日藉老公TOMO的婚訊，女神正式封盤。嘉倩為HOY TV拍攝節目《一刻．時光》，婚訊後首度現身回答傳媒提問。她表示：「上年已喺日本舉行簡單婚宴，請咗好友去日本參加。今個月會喺香港同屋企人食飯，老公唔係鋪張嘅人，唔會大排筵席。」 穿旗袍的嘉倩擁有極高的東方美態。 閒時周圍飛旅行，見識廣博好多。 花火祭浪漫求婚嘉倩早前分享穿和服照因用手按肚，即惹來懷孕傳聞。她澄清：「我今次拍《一刻．時光》要打拳，又要著高踭鞋，大家都唔使再問我啦。」 說到老公求婚情況，嘉倩說：「佢好浪漫，花火祭時喺沙灘求婚，令我好難忘。」婚後會否定居日本，她就說因為要做埋之前傾好的工作，但又是新婚，應該放多啲時間在日本，所以未決定何時居日。  嘉倩表示老公求婚方式好浪漫。 立即更新/下載AM730手機APP 體驗升級功能