岑珈其因黃溢濠一句：「戲嚟㗎！」激死 謝咏欣被爆頻頻無啦啦笑場 林宣妤佩服「味精雞粉」老Best有火花

【Viu】今日好榮幸邀請到喺ViuTV熱播劇《哪一天我們會紅》入面，擁有超高人氣嘅channel「層層疊」主腦兼骨幹成員，佢哋就係「況哥」岑珈其、「味精」黃溢濠、「Kimchi」林宣妤、「Yannis」謝咏欣，排排坐同大家分享拍攝趣事！咦！咁「雞粉」鍾雪瑩呢？放心，一日cushion在、鍾雪都在呀！一個都不能少！ 呢team人雖然只係第一次合作，但被封做大前輩嘅珈其就話佢哋好快就培養出默契！講到最難忘嘅一場戲就係Dem Beat啦，最終全靠「才女」鍾雪化解「危機」，要打從心底講聲respect呀！ 拍完劇之後大家已經friend過打band，言談間互相爆料是正常吧！黃溢濠揚言冇珈其參與嘅電影、劇集就會開唔成，咁堅？之後輪到珈其「反擊」，自爆有一場戲要背超長對白，但黃溢濠竟然瞌眼瞓，而林宣妤、謝咏欣就頻頻「焗蟹」，咁呢場戲最後點收科？ 另外，講到佢哋喺戲中為咗followers、subscribers，絞盡腦汁博出位、搶人氣，但喺戲外，佢哋又在唔在意數字？會唔會被數字框死？又會唔會做啲唔想做嘅嘢爭流量？想知就去片啦！睇完記得CLS，comment、like、share呀！ 瀏覽 Viu網頁觀看影片 瀏覽 Viu網頁