林家謙唔敢簽大公司有原因 被私有化難度高過攞獎

歌手林家謙早前自踩因「人又麻煩又係蝕本貨」，結果曾揚言欲邀加盟他的英皇娛樂，終於取消念頭，而他再接受電台訪問時，進一步剖白寧願當獨立歌手的原因，他說：「多多少少係我個人性格，慣咗或者較少人嘅團隊會得心應手啲，因為我唔係太識控制太多人事，去到一間大公司，都會有架構和不同人事上嘅嘢，但呢啲流程係咪我可以經得起呢？或者適唔適合呢個模式去做呢？我就覺得唔太適合囉。」尤其他出道已5、6年，發覺現時的工作模式是最舒服，倘若身處大公司就要花腦汁去處理人事問題，倒不如將腦汁投放在製作音樂上。 問他唱片公司需要提出甚麼條件才能打動他？林家謙就反問不簽唱片公司可會死？又覺得：「畫條線去簽一個藝人，定係有項目可以合作，如果係項目合作，我係好open，例如啱啱嘅電影《破‧地獄》主題曲，都算係跟娛樂公司去合作做隻歌，如果我真係咁唔open-minded，死都要自己做，人哋都唔會搵我啦！」似乎要將林家謙私有化，難度高過攞獎。