Kenny布拉格城堡首騷變吸血王子 Joey阿Sa爭住「擦鞋」

藝人關智斌（Kenny）最近去到布拉格城堡唱歌，完成一項人生成就解鎖，佢就晒出表演當日一身黑白西裝造型嘅靚仔相，佢仲周圍擺甫士，型到爆眼神發光，又留言分享喜訊：「人生成就解鎖 第一次去布拉格 第一次去布拉格城堡 第一次喺布拉格城堡唱歌🥰 人生應該都冇乜咁嘅機會啦 多謝各位Top agent 咁熱烈歡迎！」點知此Post一出，就引嚟圈中兩大女神「爭風呷醋」，天后容祖兒留言：「好似識得吸血嘅王子」大讚佢有吸血王子Feel，又見蔡卓妍（阿Sa）留言：「城堡同你好襯😍😍😍😍」位位女神都咁識貨，一睇就知Kenny型出香港！