ANSONBEAN驚爆因心理問題暫別娛圈：知道咁樣係有啲不負責任

24歲的歌手陳毅燊（ANSONBEAN）於2020年參加《全民造星III》奪季軍之後入行，工作不斷，除了做歌手之外，還有拍電視劇，今年初他在ViuTV劇集《老是常出現》中演老人院院長Martin，戲份甚重，更有騷肌場口，令人留下深刻印象。但是他今個月初突然刪除社交網帳戶，宣布暫時退出娛樂圈，令人震驚。 他表示：「我因為心理健康同精神狀態，需要失蹤一段時間，知道咁樣係有啲不負責任，但係亦都希望大家明白。大家唔需要擔心，亦都希望大家繼續加油，繼續努力做自己想做嘅事。」但他亦指待狀態變好之後再跟大家見面：「希望喺一個更好嘅狀態可以同大家再見，我亦都會記住大家。」 有指ANSONBEAN出身自舞蹈世家，入行前2018年於英國修讀戲劇課程兩年，家住九肚山豪宅的他家境富裕，而他的媽媽林佩佩屬於半個圈中人，早在30年前已開設舞蹈學校，旗下還有演藝製作公司，圈中有眾多好友。