陳嘉倩嫁日籍老公傳有喜 踩3吋高踭鞋證冇肚

前新聞主播陳嘉倩最近宣布封盤，分享與日籍老公TOMO的結婚相，除了流露幸福神情，由於穿着和服時以手按肚，因而傳出雙喜臨門。成為日本人妻的嘉倩最近為HOY TV拍攝節目《一刻．時光》趁機分享喜訊，但親口否認懷孕傳聞，透露其實去年已在日本舉行簡單婚宴，並邀請了好友出席，今個月會在港與家人食飯，因與老公也不是鋪張的人，故不會大排筵席。 嘉倩為拍攝節目《一刻．時光》去到西營盤走訪溏心皮蛋大王，穿着背心、牛仔、短裙的嘉倩腳踏3吋高踭鞋，令懷孕傳聞不攻自破，她說：「我幫HOY拍呢個節目，仲有打拳環節，拍節目仲要穿高踭鞋，相信大家都唔使再問我啦。」 嘉倩透露與老公TOMO結緣於舞蹈學校，對方是她的老師，大讚老公十分浪漫，並於花火祭時在沙灘求婚，令她十分難忘，更希望今年再次往花火祭重溫喜悅一刻。問到婚後是否定居日本﹖她說：「始終之前傾好咗嘅工作都要履行，不過話晒係新婚，所以應該都會放多啲時間喺當地。」又指與老公溝通多，日文也突飛猛進。