鍾柔美首度擔任比賽主持 直言緊張過唱歌跳舞

「聲夢小花」鍾柔美（Yumi）擔任《小學校際常識大賽2025》決賽活動大使，負責頒獎及其中一個提問環節，向選手作出趣味提問，她甫上台即搞笑表示：「好緊張，第一次出席呢類比賽，希望大家順順利利。」 事後對首次以主持身份提問感到十分緊張，她表示：「因為平時都係喺台上唱歌跳舞，今次算係我第一次做一個小小嘅主持，問吓啲同學仔問題，不過我覺得佢哋表演好好，非常之醒目，好積極又衝動，都未問晒問題已經知道邊個答案，所以好犀利。」亦透露小學時曾參加比賽：「我二年班時都有參加常識校際比賽，都好刺激，要計時，又同人搶住答問題，好好玩。」 而同是「聲夢小花」的姚焯菲（Chantel）偕張蔓莎及胡子彤等錄廣播劇《成長告訴我們的二三事》，雖然事前並不熟稔，但4位年輕人錄音前不時互動打破隔閡，令錄音室充滿歡笑聲；然而，4人錄廣播劇時難免緊張「食螺絲」，幸得互相支持打氣，最終都能順利完成。錄完廣播劇後，4人頓變成話題不絕的好友。