體重最高峰140斤 梁嘉莹：美食係第一

作為女士身材管理是終身事業，若然要參加選美就更加要加倍嚴格控制。應屆港姐亞軍梁嘉莹（Emily）身形弗到漏，加上一身健康膚色及陽光笑容，自然吸引到不少宅男歡心。 Emily在社交網上載影片，跟粉絲分享Keep fit心得，她自爆曾經歷小肥妹的階段，更有片有真相，片段中出現了當年重達140斤（約186磅）的她，她説：「曾經覺得美食係第一，但係把健康和外形擺最後，每日睜開眼就喺度諗去食乜，瞓覺前都會諗各種美食，雖然都會健身，但從來都冇控制過個嘴，就好似練1次就要用3餐嚟補番畀自己。」她坦言這種混亂的日子，令她體重最高峰去到140斤，認真厲害！ Emily感謝人生經歷了兩個重要時刻，令她下定決心去減磅：「好感謝大學畢業同港姐舞台，我為咗呢2個人生重大嘅時刻去塑雕我嘅身材！」她教路除了勤做運動和食得清淡，提升身陳代謝亦非常重要，她每天都會泡腳去濕氣加速新陳代謝，自己亦有選用一些天然健康補充劑令效果更佳。