蕭正楠被網民P到變外星人 即拖陳山聰落水

近日有網民在社交網晒出跟蕭正楠（Edwin）的合照，不過就美顏過度，搞到Edwin變外星人，難得Edwin毫不介意，還將相片放上自己的社交網，並幽默表示：「有網友見我做咗一排爸爸感覺憔悴了很多，很好心地幫我P圖，好多謝你嘅心意，不過其實只要去返工作狀態，都…OK嘅！」並放了自己工作時的相片作對比。 無論是網民還是圈中好友見到P圖後的相片全都以笑到喊的Emoji作回覆，Edwin反擊胡定欣說：「我P你吖嗱！」定欣無有怕表示：「P慣！」Edwin又「恐嚇」陳山聰：「下次你開Show，你啲Fans都會咁樣招呼你！」山聰笑言：「我戴面具！」有網民指：「笑到肚痛」又謂：「好似韓星」，Edwin無奈謂：「唔知應唔應該開心。」