黃淑蔓新歌MV黑化復仇 笑住唱慘情歌

歌手黃淑蔓（Feanna）形象一向活潑開朗，充滿正能量，但今次新歌《未至於》MV則來個大反轉，飾演有「愛情潔癖」的女主角，發現被男友背叛後老羞成怒，以極端方式復仇。Feanna找來網紅好友「波仔」（Boris）飾演被蒙在鼓裏的渣男，還悉心打扮赴死神之約。 Feanna表示：「最初因為歌名叫《未至於》加上歌詞有啲Sad，就當咗佢喺首傷心嘅歌嚟唱，結果出嚟效果唔理想。後來我聽聞Wyman（黃偉文）寫詞嘅時候諗到『小丑女』之後，我決定笑住嚟唱，就成為依家呢個版本！」 Feanna透露與MV導演Edwardo開會時，她建議「癲癲哋」狀態，於是導演提出Unsatisfying Videos（令人不安的影片）拍攝手法和強迫症等方案，她說：「最後得出Love till death（愛至死），有啲事『未至於』咁處理，例如你做錯事亦『未至於』要殺死你。」好友Boris坦言第一場戲就被Feanna眼神嚇到，不知如何招架，覺得有點少少恐怖。