兩姊妹偷偷出走 余香凝余潔瀅情迷新加坡

影后余香凝（Jennifer）與胞妹余潔滢從小到大感情不錯，不過原來兩人從來沒有一齊出埠旅行的機會，更未試過「靜靜地享受二人世界」，直到近日Jennifer得悉妹妹的超級偶像Lady GaGa到新加坡舉行演唱會，即毫不猶豫決定「拋夫棄子」，聯袂對方出走數天盡情吃喝玩樂，而此行相當愉快，假期完結後兩人依然回味無窮。 Jennifer受訪開心表示﹕「我哋兩姊妹一落機就返酒店悉心打扮，一齊化妝仲著埋黑色姊妹裝，然後就衝去睇騷嘞。個演唱會好正，我哋跟住唱跳好似做咗兩個鐘頭運動咁，完全重執番晒青春嘅感覺，期間我仲撞到朋友，對方好大聲咁嗌我打招呼，名副其實嘅他鄉遇故知，好驚喜呀。」她直言經過今次旅程後，已與余潔滢商量，希望日後每年都抽出時間，安排一個類似的「姊妹淘之旅」，好讓他朝有多點溫暖的回憶。