Justin Bieber為睇死老婆Hailey上唔到封面道歉

美國女模Hailey Bieber成為《Vogue》時裝雜誌新一期封面人物，其加拿大天王老公Justin Bieber於社交網站剖白，曾經睇死老婆無法登上該雜誌封面：「Yo呢個提醒咗我Hailey同我之前嘈咗次大交，我同佢講佢永遠上唔到《Vogue》封面。係我知道好衰，好刻薄。我會咁講其中一個原因係我感到好不被尊重，我以為我可以打返個和……我諗當我哋變得成熟，我哋會明白要打和係冇意義。我哋只係想延長我哋想要嘅嘢，就係親密同聯繫。所以寶貝雖然你已經知道，但原諒我講過你永遠上唔到《Vogue》封面，因為我好可悲咁搞錯咗。」可能Justin其後覺得說了掃興說話，其後將文章刪除。