現場實況：林峯頭場紅館騷邀女神s撐場 陳慧琳來勢洶洶嚟「追數」 翻阿峯放飛機舊帳「壽星女」周秀娜火辣伴舞 互摸兼「解放」心型胸超噴血

【Viu】繼續為大家帶嚟林峯紅館騷頭場實況！去到個唱嘅後半part，阿峯請嚟兩位女神做嘉賓，分別係Kelly陳慧琳、今日（22日）正日生日嘅「娜姐」周秀娜！先出場嘅Kelly就同阿峯合唱咗《數碼暴龍3》主題曲《馴獸師之王》，亦係阿峯繼澳門場後再唱，滿足fans嘅要求！點知下一秒Kelly就話係專程嚟「追數」嘅，到底發生過甚麼事？阿峯亦秒認「衰仔」，仲話要「贖罪」添，Kelly又畀唔畀機會佢呢？Kelly之後就solo唱《隨身聽》，更趁機會宣傳嚟緊自己嘅紅館騷，又承諾今晚未握到手嘅fans，7月再握返！至於「壽星女」娜姐就喺阿峯唱《Let’s Get Wet》嗰陣登場，大騷蛇腰兼長腿，齋見到娜姐呢個火辣look，想問大家頂唔頂得順？娜姐同阿峯除咗多次「埋身肉搏」之餘，又不乏互摸、back hug、疊住wave等睇到全場㷫烚烚嘅動作！阿峯更舉起娜姐原地轉360度，係力的表現呀！跳到最後娜姐更「解放」心型胸，噴血指數爆燈！快啲去睇片啦！ 瀏覽 Viu網頁觀看影片 瀏覽 Viu網頁