現場實況：「城寨四少」於林峯個唱合體唱《風的形狀》 劉俊謙表演椅子舞跳到反眼被笑似鯉魚 胡子彤單拖唱《兄弟打》「十三期同學仔」撐場

【Viu】林峯一連七場紅館騷《GO WITH THE FLOW 林峯演唱會》噚晚第二場，阿峯換上粉紅髮色繼續載歌載舞，當然唔少得大唱一連串首本名曲，氣氛依然相當好！當去到嘉賓環節，胡子彤、張文傑、劉俊謙升上台合唱《風的形狀》，「城寨四少」相隔多時終於合體，全場立即歡呼！ 阿峯之後安排工作人員出動「表演凳」，由佢即場教上次缺席澳門騷嘅劉俊謙跳椅子舞！兩個人一組，一個坐低而另一人就撐住凳扭腰擺動下半身，當輪到阿謙上陣時扭到就嚟反眼，令阿峯忍唔住爆笑：「呢個角度睇到你好好笑，好似鯉魚。」阿謙尷尬話：「唔好玩我啦！」之後，子彤就單拖唱出個人單曲《兄弟打》，而子彤屋企人亦有到場支持，好有愛！ 呢個騷同樣吸引大批圈中人捧場，包括：《九龍城寨之圍城》導演鄭保瑞、楊茜堯、廖碧兒、Amy Lo盧慧敏等等，阿峯一班第13屆藝員訓練班畢業生仲高舉「十三期同學仔」燈牌撐場！ 瀏覽 Viu網頁觀看影片 瀏覽 Viu網頁