現場實況： 陳奕迅病癒「復活」高雄開唱熱到除外套 戴手套造型自嘲似洗碗工 要洗埋廁所？ 爆太太徐濠縈叮囑：「睇住你個肚腩！」

【Viu】Eason陳奕迅原定今個月16號喺高雄巨蛋舉辦6場《FEAR and DREAMS 世界巡迴演唱會》，但佢喺騷前不幸確診新冠肺炎，頭三場演出需要緊急延期，後來更誤傳死訊，而Eason康復之後，終於喺噚晚「復活」喺高雄巨蛋開騷，狀態相當好！ Eason登場唱出《2001太空漫遊》、《陪你度過漫長歲月》等歌曲，不時以肢體動作同表情向樂迷致意！去到Talk位，Eason終於熱到忍唔住要除低外套，佢講笑話係「高雄限定」：「我很喜歡今年的衣服，但這件真的很熱，其實我不想脫，這個樣子只給高雄的朋友展示！因為脫之後，你們看！」戴住藍色手套嘅Eason就扮洗碗姿勢，佢話：「像不像洗碗工人？哈哈，我還要去洗廁所呢！現在你們明白我為什麼不脫衣服了？哈哈。」Eason仲特別多謝高雄觀眾全程投入：「目前巡演已進行至第160場，現在真的有『做一場少一場』的感覺，代表團隊謝謝大家讓我們有機會繼續。」   Eason仲自爆完成巡演後將會「閉關修煉」，休息一段比較長嘅時間去減肚腩。佢爆料話：「我來高雄出門前，她（太太徐濠縈）最後一句叮囑是 : 睇住你個『肚腩』，你的膽固醇！肚腩沒了，膽固醇先會消失。謝謝夫人！」快啲睇現場實況！ 瀏覽 Viu網頁觀看影片 瀏覽 Viu網頁